ATLETISMO EN PISTA - CAMPIONATO PROVINCIAL 2015-16

LIGAS DE FÚTBOL 2015-16

1. 

Durante o terceiro trimestre e no tempo de recreo, celebráronse as ligas de fútbol de 2º e 3º ciclo de primaria. Cunha participación moi elevada, a competición desenvolveuse baixo o sistema de "liguilla"a doble volta (cada equipo tiña que xogar dous partidos contra os demais).Todos os equipos debían ser mixtos, compostos por nenas e nenos, e todos/as debían xogar polo menos a metade do tempo que durase o partido.

No segundo ciclo participaron 6 equipos, 3 de terceiro curso e 3 de cuarto. Todos os partidos transcorreron con total normalidade e todos/as os xogadores/as mostraron o seu gran nivel de fútbol e unha gran deportividade. O equipo de 4º A,  LOS ESPAÑOLES, proclamouse campión, facéndose co subcampionato LOS CRACKS de 4ºB.

No terceiro ciclo participaron 4 equipos, 2 de quinto curso e 2 de sexto.Do mesmo xeito que nos partidos do segundo ciclo, todo transcorreu con total normalidade, mostrando todos/as un gran nivel futbolístico e unha gran deportividade.O equipo de LOS CHISPITAS de 6º A proclamouse campión, mentres que o equipo de LOS LEONES DE MONTEPINAR de 6º B acadou o subcampionato.

Dende aquí queremos felicitar a todos/as os/as xogadores/as que participaron polo ben que o fixeron, RECORDÁNDOLLES QUE AÍNDA QUE GAÑAR ESTÁ MOI BEN, O MÁIS IMPORTANTE É PARTICIPAR E PRACTICAR DEPORTE XUNTO AOS/ÁS NOSOS/AS COMPAÑEIROS/AS.

XORNADA DE ACHEGAMENTO AO TENIS DE MESA

Durante a mañá do 3 de xuño, o alumnado de 4º, 5º e 6º de primaria puido achegarse ao magnífico e divertido deporte do tenis de mesa.Na súa hora de educación física, o alumnado destes cursos, recibiu unha clase práctica por parte dos monitores do clube de tenis de mesa AD Zas.Dende aquí queremos darlle as grazas polo ben que nos explicaron como se xoga a este deporte e tamén queremos animarvos a todos/as a que practiquedes o tenis de mesa.

ACTIVIDADE LÚDICA DE JUDO

Este ano tivemos a sorte de poder realizar no noso centro unha xornada de achegamento ao deporte do judo.Esta actividade foi impartida por monitores da federación galega de judo e da mesma puido disfrutar o alumnado de 5 anos infantil, 1º , 2º e 3º de primaria.Ao alumnado gustoulle moito a actividade e seguramente veremos moitos/as judocas en Vimianzo no futuro.

POLO SAN MARTIÑO PEÓNS AO CAMIÑO - 2015

ATLETISMO EN PISTA - 2º XORNADA BENXAMÍN /ALEVÍN

O pasado sábado 23 de abril, celebrouse nas pistas de atletismo da Pobra do Caramiñal, a 2ª fase do campionato intecomarcal de atletismo en pista na categoría benxamín-alevín.O Ceip San Vicenzo estivo representado por 20 atletas que competiron de maneira extraordinaria dando mostras do seu gran nivel atlético o que os/as levou a acadar uns magníficos resultados, que foron os seguintes:

BENXAMÍN MASCULINO

-Xesús Pena Cundíns :  7º en lanzamento de pelota cunha mellor marca de 13.72 metros e 15º en salto de lonxitude cunha marca de 2.22.

-Borja Canosa Suárez: 3º na súa serie de 50m cun rexistro de 9.49 e 18º en lanzamento de pelota cunha marca de 9.71.

ALEVÍN MASCULINO

-Ousmane Sarr: 2º na súa serie de 60m cun tempo de 9.69 e 19º en lonxitude cun rexistro de 2.42.

-Brais Méndez Martínez : 4º na súa serie de 60m cun tempo de 10.56 e 20º en lonxitude cun salto de 2.29.

-David Pérez Miñones: 1º na súa serie de 60m cun tempo de 10.87 e 2º en lanzamento de peso cunha marca de 6.67.

-Sebastián Amado Canosa: 3º na súa serie de 60m cun tempo de 10.41 e 13ª en lanzamento de peso cunha marca de 15.16.

-Samuel Suárez García: 11º en 500m cun tempo de 1.57.05 e 3º na súa serie de 60m cun rexistro de 10.39.

BENXAMÍN FEMININO

-Arantxa Varela Gándara : 3ª na súa serie de 50m cun tempo de 9.80  e 11ª en lanzamento de pelota cun rexistro de 6.85.
-Sara Agra Romero: 2ª na súa serie de 50m cun tempo de 9.80 e 3º en lanzamento de pelota cun rexistro de 9.55.

-Aldara Túñez Andrade: 4ª na súa serie de 50m cun tempo de 9.90 e 10ª en lanzamento de pelota cunha marca de 6.86

ALEVÍN FEMININO

-Paula Andújar Paz: 1ª en lanzamento de peso cun rexistro de 6.87 metros e 3ª na súa serie de 60m cun tempo de 11.05.

-Lucía Roget Blanco: 5ª en 500 metros cun rexistro de 1.47.4.

-María Mas Baña: 4º en lanzamento de peso cun rexistro de 5.62 e 2ª na súa serie de 60m cun rexistro de 10.86.

-Nerea Blanco Rial: 6ª en 500 metros cun rexistro de 2.06.63.

-Ángela Rey Figueira : 5ª en 500 metros cun rexistro de 2.02.2.
-Paula Torres Pedreira: 3ª na súa serie de 60m cun rexistro de 11.43 e 10ª en lanzamento de peso cunha marca de 4.63.
-Carmen López Pose: 3ª na súa serie de 60m cun tempo de 11.00 e 8º en 1000m cun tempo de 4.31.6.
-Diana Trillo Santos: 7ª en 500m cun rexistro de 2.10.06 e 5ª na súa serie de 60m cun tempo de 11.40.
-Natalia Torres Trillo: 6ª en 500m cun rexistro de 1.56.8.
-Paula Pérez Espasandín: : 1ª en 2000 marcha cun tempo de 13-47.86.
O equipo de 4x60 alevin feminino, composto por Lucía, Ángela, Natalia e Nerea, acadou o 2º posto cun tempo de 37.9.

 Dende aquí queremos felicitar aos nosos/as atletas polos fantásticos resultados acadados e recordando que aínda que gañar está moi ben, O MÁIS IMPORTANTE É PARTICIPAR, DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

LIGAS DE BALONCESTO 2015-16

Ao longo do segundo trimestre e durante o tempo de recreo, celebráronse as competicións de baloncesto de 3º curso, 4º curso, e 3º ciclo.

A competición de 3º curso organizouse en formato de liguilla baixo o sistema de lanzamentos a 21 puntos, é dicir, o primeiro equipo que chegase a eses número de puntos gañaba. Participaron 7 equipos que estaban compostos por 3-4 xogadores/as.Todos/as os/as participantes mostraron que teñen unha boa boneca para lanzar a canastra. Ao final da competición todos/as rebiron o seu diploma de participación.

A competición de 4º curso celebrouse en formato liguilla baixo o sistema de partido "normal", no cal se enfrontan dous equipos gañando o que acade máis puntos ao remate do tempo reglamentario. Participaron 4 equipos, proclamándose campión o equipo de LOS DIOSES DEL BALONCESTO de 4º A.Os partidos foron moi desputados, mostrando todos/as os/as xogadores/as un gran nivel de xogo destacando ademais pola magnífica deportividade mostrada.Os/as gañadores/as recibiron o seu diploma que os acredita como campións.

En canto á competición de 3º ciclo, celebrouse no mesmo formato que a competición de 4º curso e na mesma participaron 4 equipos.Foi unha competición moi intensa e igualada na que os partidos estiveron moi desputados ata os minutos finais.MVP foi o equipo que se proclamou campión da competición, recibindo cada un dos/as seus/súas compoñentes un diploma que os acredita como tal.

Dende aquí queremos darlle a noraboa a tódolos/as participantes polo ben que o fixeron, RECORDÁNDOLLES QUE AÍNDA QUE GAÑAR ESTÁ MOI BEN, O MÁIS IMPORTANTE  É PARTICIPAR, XOGAR E APRENDER  XUNTO AOS/AS NOSOS/AS COMPAÑEIROS/AS.

LIGAS DE BRILÉ 2015-16

Durante os recreos do primeiro e do segundo trimestre celebráronse as ligas de brilé de 1º, 2º e 3º ciclo de primaria. A competición de 1º ciclo levouse a cabo ao longo do segundo trimestre. Foron 5 os equipos participantes os cales estaban compostos por xogadores/as mesturados/as de 1º e 2º de primaria (LEÓNS E LEOAS, TIGRES E TIGRESAS, CEBRAS, GACELAS E XIRAFAS). Todos/as o pasaron moi ben mostrando un gran nivel de xogo e unha gran deportividade.Todos/as os/as xogadores/as recibiron un diploma de participación.

A competición de 2º ciclo celebrouse ao longo do primeiro trimestre.Foron 4 os equipos participantes (LOS DRAGONES DE COMODO, LOS DESCENDIENTES, RUSCA LOS MEJORES, COCA-COLA).Os partidos foron moi disputados sen perder nunca a deportividade, proclamándose campión o equipo de RUSCA LOS MEJORES de 4º A.

En canto á competición de 3º ciclo dicir que se celebrou ao longo do primeiro trimestre e na cal participaron 5 equipos (BALONES DE ORO, OS VIMIANCESES, LOS GALÁCTICOS, LOS DIABLOS BLANCOS e BOOM).Todos/as os/as participantes mostraron un gran nivel de xogo e sobre todo unha gran deportividade.O equipo de LOS DIABLOS BLANCOS proclamouse campión da liga.

Dende aquí queremos felicitar a todos/as os/as participantes polo ben que o fixeron e pola gran deportividade mostrada ao longo da competición, RECORDANDO QUE AÍNDA QUE GAÑAR ESTÁ MOI BEN, O MÁIS IMPORTANTE É XOGAR E FACER DEPORTE XUNTO AOS/ÁS NOSOS/AS COMPAÑEIROS/AS.

CARREIRA SOLIDARIA SAVE THE CHILDREN

Este curso, como ven sendo habitual nos últimos anos, celebramos novamente a "Carreira Solidaria Save The Children" conxuntamente co día da paz. Nunha tarde soleada, todo o alumnado do centro, baixou ao patio para realizar unha coreografía da canción "A DANZA DA PAZ". Posteriormente, divididos en clases, comezando polos/as máis pequenos/as ata os /as máis maiores, realizaron a carreira solidaria. Os/as máis pequenos/as deron unha volta ao patio, mentras que os maiores deron tres voltas. Cada alumno/a participante aportou a cantidade de diñeiro que considerou oportuna co fin de recadar fondos para axudar aos nenos/as máis desfavorecidos. Nesta ocasión recadáronse 480€. Dende aquí queremos felicitarvos a todos/as pola gran solidaridade mostrada.

No seguinte enlace pódese ver un vídeo e as fotografías da actividade.

http://www.edu.xunta.es/centros/ceipsanvicenzo/node/729

XORNADA CONVIVENCIA DEPORTIVA CO ALUMNADO DO CPI DE ZAS

O pasado mércores 7 de maio, o alumnado de 6º curso desfrutou dunha mañá de deporte conxuntamente co alumnado do CPI de Zas. Dende as 10:00 ata as 11:40, todos/as os/as alumnos/as de 6º organizados en 4 equipos, xogaron (en partidos de 15 minutos de duración) contra os equipos do CPI de Zas ao brilé, balonmán, fútbol e baloncesto. Nunha mañán con moita calor, os/as participantes desfrutaron da práctica deportiva ao mesmo tempo que fixeron novos/as amigos/as.Temos que destacar que o comportamento de tódolos/as participantes foi exemplar. Unha vez rematados os partidos, os/as participantes desfrutaron dunha merenda conxunta con froita ( posta polo centro). Dende aquí queremos darlle as grazas ao alumnado  a aos mestres/as do CPI de Zas por desprazarse ata o noso centro e facer así posible esta xornada de convivencia deportiva na que tan ben o pasaron os/as nenos/as.

BÁDMINTON - CAMPIONATO INTERCOMARCAL ALEVÍN

O pasado xoves 21 de abril, celebrouse no polideportivo da Serra de Outes, o campionato intercomarcal alevín de bádminton no que o Ceip San Vicenzo de Vimianzo estivo representado por 35 xogadores/as (20 en categoría masculina e 15 en categoría feminina).Todos/as competiron de maneira fantástica, demostrando un gran nivel de xogo. Na categoría masculina, o xogador  que obtivo o mellor resultado foi Fabián Sendón Amado, chegando ata os cuartos de final. Pero os mellores resultados chegaron na categoría feminina na cal as nosas xogadoras acadaron tres medallas. Lucía Roget Blanco e Alexandra Romero Pais realizaron un magnífico campionato acadando a medalla de bronce, mentres que María Villaverde Ameijeiras xogou de maneira fantástica todos os partidos, proclamándose nada máis e nada menos que campiona intercomarcal. Dende aquí queremos felicitar a todos/as os/as nosos/as xogadores/as polo ben que o fixeron, E RECORDANDO QUE AÍNDA QUE GAÑAR ESTÁ MOI BEN, O MÁIS IMPORTANTE É PARTICPAR, XOGAR E DESFRUTAR FACENDO DEPORTE XUNTO AOS/ÁS NOSOS/AS COMPAÑEIROS/AS.

ATLETISMO EN PISTA - 2ª XORNADA INFANTIL

O pasado sábado 7 de maio, celebrouse nas pistas de atletismo da Pobra do Caramiñal, a segunda xornada do campionato intercomarcal de atletismo en pista na categoría infantil. O Ceip San Vicenzo estivo representado por 6 atletas que competiron de maneira fantástica mostrando un gran nivel nas probas nas que participaron.

Os resultados dos/as nosos/as atletas foron os seguintes:

INFANTIL MASCULINO

• Hugo Santos Pérez : 2º na súa serie de 80 m.l cun tempo de 13,88, 7º en lanzamento de disco cunha marca de 15,40 e 2º en lanzamento de xavelina cun rexistro de 17,33.
• Fabián Sendón Amado : 22º en salto de lonxitude cunha marca de 2,68, 11º en lanzamento de disco cunha marca de 11,68 e 2º na súa serie de 220 m.v. cun tempo de 46,81.
• Manuel Canosa Dopazo : 2º na súa serie de 80 m.l. cun tempo de 17,81, 5º en lanzamento de disco cunha marca de 16,05 e 5º en lanzamento de xavelina cun rexistro de 16,87.

INFANTIL FEMININO

• Antía Ageitos Pasantes : 5ª na súa serie de 80 m.l. cun tempo de 19,04, 14ª en lanzamento de peso cunha marca de  3,23.
• María Villaverde Ameijeiras : 13ª en salto de lonxitude cunha marca de 3,26 , 1ª en 1000 m.l. cun tempo de 3.38.62, 2ª na súa serie de 220 m.v. cun tempo de 44,50.
• Andrea Méndez Arjomil :4ª na súa serie de 80 m.l. cun tempo de 14,92, 4ª en lanzamento de disco cun rexistro de 14,31 , 4ª en lanzamento de peso cunha marca de 5,82. 

Dende aquí queremos felicitar aos/as nosos/as atletas polos magníficos resultados acadados que seguramente mellorarán nas seguintes competicións grazas a súa capacidade de esforzo, sacrificio e ilusión que mostran día tras día, E RECORDADE QUE AÍNDA QUE GAÑAR ESTÁ MOI BEN, O MÁIS IMPORTANTE É PARTICIPAR, DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

ATLETISMO EN PISTA - 1ª XORNADA INFANTIL

 

O pasado sábado 16 de abril, celebrouse nas pistas de atletismo da Universidade de Santiago de Compostela, a primeira xornada do campionato intercomarcal de atletismo en pista na categoría infantil.O Ceip San Vicenzo estivo representado por 8 atletas que competiron de maneira fantástica mostrando un gran nivel nas probas nas que participaron.

Os resultados dos/as nosos/as atletas foron os seguintes:

INFANTIL MASCULINO

• Hugo Santos Pérez : 5º na súa serie de 80 m.l. cun tempo de 12.9, 4º en lanzamento de xavelina cun rexistro de 18,76, 7º en lanzamento de peso cunha marca de 7,23.
• Fabián Sendón Amado : 6º na súa serie de 80 m.l. cun tempo de 13.2, 13º en lanzamento de xavelina cun rexistro de 11,11,4º en lanzamento de disco cunha marca de 13,22.
• Brais Santos Barreiro : 4º na súa serie de 80 m.l. cun tempo de 13.1, 14º en lanzamento de xavelina cun rexistro de 10,75, 18º en lanzamento de peso cunha marca de 4,42.
• Manuel Canosa Dopazo : 7º na súa serie de 80 m.l. cun tempo de 17.9, 16º en lanzamento de xavelina cun rexistro de 10,70,10º en lanzamento de peso cunha marca de 6,10.

INFANTIL FEMININO

• Antía Ageitos Pasantes : 6ª na súa serie de 80 m.l. cun tempo de 22.0, 19º cunha marca de 3,91.
• María Villaverde Ameijeiras : 3ª na súa serie de 80 m.l. cun tempo de 11.6, 3ª en 1000 m.l cun rexistro de 3.33.40,14ª cunha marca de 4,59.
• Andrea Méndez Arjomil : 6ª na súa serie de 80 m.l. cun tempo de 14.6, 8ª en lanzamento de peso cunha marca de 5,64,6ª en lanzamento de disco cunha marca de 10,95.
• Karina Mouzo Pazos : 20ª en lanzamento de peso cunha marca de 3,22,9ª en lanzamento de disco cun rexistro de 8,99.12ª en lanzamento de xavelina cunha marca de 5,25.

Dende aquí queremos felicitar aos/as nosos/as atletas polos magníficos resultados acadados que seguramente mellorarán nas seguintes competicións grazas a súa capacidade de esforzo, sacrificio e ilusión que mostran día tras día,E RECORDADE QUE AÍNDA QUE GAÑAR ESTÁ MOI BEN, O MÁIS IMPORTANTE É PARTICIPAR, DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

ATLETISMO EN PISTA - 1ª XORNADA BENXAMÍN/ALEVÍN

O pasado sábado 9 de abril celebrouse nas pistas de atletismo de Santiago de Compostela a 1ª xornada de atletismo en pista nas categorías benxamín e alevín. O Ceip San Vicenzo estivo representado por 8 atletas.Todos/as competiron de maneira fantástica, acadando uns magníficos resultados que demostran que con esforzo e traballo todo se pode conseguir. Os resultados dos/as nosos/as atletas foron os seguintes:

BENXAMÍN MASCULINO

-Xesús Pena Cundíns : 2º na súa serie de 50m cun tempo de 9.39 e 5º en lanzamento de pelota cunha mellor marca de 13.54 metros.

ALEVÍN MASCULINO

-Ousmane Sarr: 3º na súa serie de 60m cun tempo de 9.94 e 5º en 500 metros cun rexistro de 1.46.52

BENXAMÍN FEMININO

-Arantxa Varela Gándara : 4ª na súa serie de 50m cun tempo de 10.24 e 12ª en 500 metros cun rexistro de 2.28.60.

ALEVÍN FEMININO

-Paula Andújar Paz: 1ª en lanzamento de peso cun rexistro de 6.19 metros e 7ª na súa serie de 60m cun tempo de 10.98.

-Lucía Roget Blanco: 1ª na súa serie de 50m cun tempo de 9.68 e 4ª en 500 metros cun rexistro de 1.50.

-María Mas Baña: 2º en lanzamento de peso cun rexistro de 6.11 e 3ª na súa serie de 60m cun rexistro de 10.45.

-Nerea Blanco Rial: 3º na súa serie de 60m cun tempo de 10.34 e 11ª en 500 metros cun rexistro de 2.04.63

-Ángela Rey Figueira : 6ª na súa serie de 60m cun tempo de 10.95 e 12ª en 500 metros cun rexistro de 2.05.41.

A vindeira xornada será o sábado 23 nas pistas de atletismo da Pobra do Caramiñal. Dende aquí queremos felicitar aos nosos/as atletas polos fantásticos resultados acadados e recordando que aínda que gañar está moi ben, O MÁIS IMPORTANTE É PARTICIPAR, DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

A IMPORTANCIA DE BEBER AUGA

O 60% do noso corpo está constituído por auga, de ahí a importancia de hidratarse correctamente cada día. Esta hidratación debe facerse con auga evitando as bebidas azucaradas. Algúns dos beneficios que nos proporciona a auga son:

Elimina toxinas e residuos corporais xa que permiten un correcto traballo dos riñóns.

Hidrata, limpa e mantén a elasticidade da pel, especialmente 15 días despois de comezar a tomar diariamente entre 1 e 2 litros de auga.

Estimula claramente o correcto funcionamento metabólico.

Hidrata o corpo, evitando que os órganos, polo tanto, se friccionen entre sí.

É útil para regular o apetito e polo tanto, para baixar de peso ao provocar sensación de saciedade.

Evita o estreñimento crónico.

Eleva as defensas naturais de noso organismo.

Prevén infeccións.

É capaz de lubricar as articulacións, mellorando así a resistencia dos ligamentos e músculos.

As bebidas azucaradas e polo tanto calóricas, xeran múltiples consecuencias negativas, en especial cando se consumen durante a infancia. Por un lado, desprazan á lactancia. Por outro lado xeran un hábito, unha costume, e finalmente aportan calorías valeiras, o cal fai que a persoa sexa máis propensa a desenrolar obesidade, cos graves problemas que isto conleva.

Unha persoa perde líquido as 24 horas do día, xa sexa a través da transpiración, da urina ou da respiración. Polo tanto, para volver a recuperalo precisa manterse hidratado as 24 horas do día e beber auga inclusive cando o seu corpo non llo pida. A perda mínima (1%) xa compromete, por exemplo, a capacidade de prestar atención e realizar operacións mentais.

Ademais, débese considerar que a sede é un mecanismo fisiolóxico "tardío". É dicir, en canto sentimos esa sensación xa comezou o proceso de deshidratación. Por iso, é importante acostumarse a tomar líquido e especialmente auga, dado que ao xerar un hábito, o organismo evita chegar a esa situación e se hidrata antes.

Tendo en conta estes puntos, bebendo entre 1,5 e 2 litros de auga ao día (cantidade que debe aumentar en casos de temperaturas elevadas ou de exercicio físico intenso) lograremos manternos saudables e hidratar correctamente o noso corpo. Se bebes abundante auga cada día serás : máis forte, máis resistente, máis flexible, máis áxil, máis veloz, poderás pensar mellor e sacar mellores notas!.

 NON TE ESQUEZAS E BEBE AUGA CADA DÍA

CAMPO A TRAVÉS - CAMPIONATO PROVINCIAL E GALEGO

Durante os dous últimos fins de semana, celebráronse os campionatos provinciais e galegos de campo a través nos que participou a alumna do Ceip San Vicenzo, María Villaverde Ameijeiras, en categoría infantil.

O campionato provincial celebrouse en Narón o pasado domingo 6 de marzo. Nun circuíto moi embarrado debido ás choivas caídas durante eses días, María realizou unha carreira magnífica, de menos a máis, recuperando posicións ao longo dos 1600 metros nos que consistía a proba, entrando en meta nunha extraordinaria 5ª posición coa que acadaba a clasificación para o campionato galego.

O campionato galego celebrouse na Estrada o pasado sábado 12 de marzo. Nesta ocasión, a climatoloxía foi perfecta para a práctica do campo a través e o circuíto presentaba unhas condicións inmellorables para correr. As atletas infantís tiñan por diante 1800 metros. María realizou unha magnífica carreira, manténdose sempre nas 30 primeiras posicións, indo de menos a máis, o que lle permitíu entrar en meta nunha fantástica 21ª posición. Tendo en conta que este é o primeiro ano de María como atleta infantil, os resultados acadados pola nosa alumna/atleta son magníficos e veñen a reflectir o prometedor futuro que ten María no deporte do atletismo. Dende aquí queremos darlle a noraboa por todos os éxitos acadados nesta tempada de campo a través. Noraboa e a seguir así!.

Con estas probas, remata por este ano a participación dos/as alumnos/as do Ceip San Vicenzo nas competicións de Campo a Través, nas que os resultados foron extraordinarios.

Expericiencias, diversión, amizade, sorrisos, sufrimento, esforzo, compañeirismo, superación persoal, aprendizaxe, sacrificio, compromiso,viaxes....todo iso e moito máis é o que nos aporta o campo a través e por todo iso é polo que vale a pena participar nesta actividade ano tras ano. E recordade que aínda que gañar está moi ben, O MÁIS IMPORTANTE É PARTICIPAR, DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

 

 

CAMPO A TRAVÉS - CAMPIONATO INTERCOMARCAL 2016

Na mañá do pasado venres 29 de xaneiro, celebrouse o campionato intercomarcal de campo a través. A proba tivo lugar no circuíto do Campamento Xuvenil Virxe do Loreto de Porto do Son.O Ceip San Vicenzo estivo representado por tres atletas: Lucía Roget Blanco, Ousmane Sarr e María Villaverde Ameijeiras. Cunha climatoloxía perfecta para a práctica deste magnífico deporte, os/as tres representantes de Vimianzo, competiron de maneira sobresaínte acadando uns magníficos resultados. A primeira en participar foi a alumna de 5º Lucía Roget Blanco, a cal competíu en categoría alevín. Lucía realizou unha magnífica carreira. Dende a saída ata a chegada mantívose entre as quince primeiras clasificadas, entrando en meta nunha fantástica 12ª posición. O alumno de 4º, Ousmane Sarr, foi o segundo en competir, realizando unha moi boa carreira en categoría alevín. Ousmane saíu nos primeiros postos e foi quen de entrar en meta nunha moi meritoria 23ª posición, nunha proba con moitísimo nivel. A última das nosas representantes en tomar parte na proba foi a alumna de 6º María Villaverde Ameijeiras a cal acadou a medalla de prata na categoría infantil, realizando unha impresionante carreira. María situouse nas primeiras posicións dende a saída, manténdose nos tres primeiros postos ao longo de toda a proba. A falta de 300 metros para chegar á meta, María realizou un impresionante cambio de ritmo que lle servíu para acadar o subcampionato intercomarcal, véndose superada únicamente nos últimos metros por unha atleta da Atl.Barbanza.Con este resultado, María logra a clasificación para o campionato provincial que se celebrará o  vindeiro día 27 de febreiro en Narón. SORTE E A POR TODAS MARÍA e fagas o que fagas en Vimianzo estaremos moi orgullosos do teu resultado!.

Con estes magníficos resultados, os/as nosos/as representantes demostran o enorme potencial que teñen como atletas e que xa viñan mostrando nos últimos anos. E RECORDADE QUE AÍNDA QUE GAÑAR ESTÁ MOI BEN,  O MÁIS IMPORTANTE É DESFRUTAR E APRENDER FACENDO DEPORTE XUNTO AOS/ÁS NOSOS/AS COMPAÑEIROS/AS.

OUSMANE, MARÍA E LUCÍA

                                         MARÍA NO PODIUM INFANTIL FEMININO