LIGA DE BALONCESTO DE 4º

Durante este curso escolar, o alumnado de 4º curso de primaria distribuído en equipos de 3-4 xogadores/as, participou  durante os recreos no campionato de baloncesto. Cunha partipación moi numerosa, os/as nenos/as desfrutaron durante os recreos desta magnífica actividade deportiva, coa que aprenden valores tan importantes para a vida como son :

• TOLERANCIA: Cada un de nós é diferente aos demais.
• SUPERACIÓN: Para acadar as miñas metas.
• DISCIPLINA: Para cumplir cos meus deberes.
• SAÚDE: Facendo deporte, síntome mellor.
• XOGO LIMPO: Respectamos as regras.
• AUTONOMÍA: Tomo as miñas decisións.
• NOBREZA: O deporte, unha escola de vida.
• AUTOESTIMA: Eu podo facelo.
• ESFORZO: Afán de mellorar.
• IGUALDADE: Todos temos os mesmos dereitos.
• INTEGRACIÓN: Amizade, compañeirismo, formar parte dun colectivo.
• TRABALLO EN EQUIPO: Axudarnos para mellorar xuntos.
• RESPONSABILIDADE: Coidar o material é cousa de todos.
• SOLIDARIEDADE: Dende o deporte, podo axudar a outros.
• RESPECTO: Cara a ti, cara a eles, cara a min.
• NON VIOLENCIA: É mellor dialogar.
• DIVERSIÓN: O deporte é un xogo. 

A competición consistía en enfrontrarse 2 equipos na modalidade de lanzamentos de tiros libres (cada equipo establecía unha orde de lanzamento entre os/as seus/súas xogadores/as), gañando o equipo que primeiro chegase a 30 puntos. En total foron 12 os equipos participantes :

• LOS MATERES
• LOS ACERTADORES
• LOS CAMPEONES
• LOS TRANQUILOS
• LOS DIVERSOS
• TIK TAK BOOM
• LOS MADRILEÑOS
• LOS CAMPEONES B
• LUPANA
• LOS FANTASMAS DEL BALONCESTO
• LAS LEONAS
• LOS BALONES ESTRELLA

A competición densenvolveuse nunha primeira fase baixo a modalidade de liga (divididos en 3 grupos de 4 equipos) e posteriormente nunha fase final eliminatoria.

As semifinais foron:

• LOS MATERES vs LOS MADRILEÑOS
• LOS BALONES ESTRELLA vs TIK TAK BOOM

Os partidos foron moi disputados ata os últimos puntos, pasando á final LOS MADRILEÑOS e TIK TAK BOOM. Na final, foron LOS MADRILEÑOS os que primeiro chegaron a 30 puntos e polo tanto se proclamaron campións do torneo de baloncesto.Tanto os campións coma os subcampións recibiron un diploma que lles fixo moita ilusicón.

Dende aquí queremos felicitar a tódolos/as participantes polo ben que o fixeron e RECORDADE QUE AÍNDA QUE GAÑAR ESTÁ MOI BEN, O MÁIS IMPORTANTE É PARTICIPAR, DESFRUTAR E APRENDER XOGANDO XUNTO AOS/ÁS NOSOS/AS COMPAÑEIROS/AS.O vindeiro ano máis e mellor e a seguir facendo deporte!.